Жұмыс орны: «Қалалық білім бөлімі» мемлекеттік мекемесіне қарасты жалпы білім беретін Талғайран негізгі мектеп» коммуналдық мемлекеттік мекемесі

Қала, аудан, село: Атырау облысы, Атырау қаласы, Талғайран ауылы

Педагогикалық өмірбаяны:

Хамзаев Ақтай Бірімұлы 1974 жылдың 17 наурызында Атырау облысы Атырау қаласына қарасты Талғайран аулында дүниеге келген. 1989-1993 жылдар аралығында Қ.Дүтбаева атындағы Атырау педагогика училищесінде
» Жалпы білім беретін мектептің бастауыш сыныптарында сабақ беру» мамандығы бойынша оқып, «Бастауыш сыныптардың мұғалімі» квалификациясын алды.
1993 жылдың 1-қыркүйегінен бастап Талғайран негізгі мектебіне дене шынықтыру пәні мұғалімі болып жұмысқа қабылданды. Жұмыстан қол үзбей жүріп, 1993 жылы Атырау педагогика институтына оқуға түсіп,
Х. Досмұхамедов атындағы Атырау университетін «бастауыш мектеп педагогикасы мен әдістемесі» мамандығы бойынша 1997 жылы бітіріп шықты. 2000 жылы Х.Досмұхамедов атындағы Атырау мемлекеттік университетіне оқуға қабылданып, Мемлекеттік аттестаттау комиссиясының 2012 жылғы 19 шілдедегі шешімімен 5В010800- Дене шынықтыру және спорт мамандығы бойынша білім бакалавры академиялық дәрежесін алды.
Дене шынықтыру пәні мұғалімі Хамзаев Ақтай Бірімұлы осы еңбек еткен жылдар ішінде қалалық, облыстық білім беру, кәсіподақ ұйымдарының құрмет грамоталарымен марапатталды. 2016 жылы Республикалық ғылыми-әдістемелік, педагогикалық «Мектеп» журналы арнайы құрылған комиссиясының 2016 жылдың 12 қаңтар №08 шешіміне сәйкес «Үздік мұғалім» төсбелгісімен, ҚР ҚК ардагерлері Атырау облыстық бөлімшесінің 2017 жыл 20 наурыз № 248 бұйрығымен «Құрметті ұстаз» төсбелгісімен, «Спорт жұлдыздары» журналы редакция алқасының шешімімен » Үздік дене шынықтыру пәні мұғалімі» төсбелгісімен марапатталды.
Ақтай Бірімұлының шәкірттері қалалық, облыстық спорттық жарыстардың жеңімпаздары. Жастардан ұйымдастырған «Талғайран» футбол командасы «Атрау облыстық кіші футбол жарыстарында» ІІ лигада өнер көрсетуде. Ұстаз оқушысы Сатаев Мейрімбек Алматы қаласының «ШАҢЫРАҚ» шағын ауданындағы «ОЛИМПИАДА РЕЗЕРВІНІҢ РЕСПУБЛИКАЛЫҚ МАМАНДАНДЫРЫЛҒАН МЕКТЕП-ИНТЕРНАТ-КОЛЛЕДЖ» оқушысы.