Место работы: Зерде бұзылыстары бар балаларға арналған облыстық арнайы мектеп интернаты

Город, район, село: Орал қаласы

Педагогическая биография:

Альмуханов Елтай Куанышевич 1967 жылы 14 наурызда Батыс Қазақстан облысы, Жаңақала ауданының Мұқыр ауылында дүниеге келген. 1990 жылы А.С.Пушкин атындағы «Құрмет Белгісі» орденді Орал педагогика институтының дене тәрбиесі мұғалімі мамандығын аяқтаған. 2017 жылы М.Өтемісов атындағы Батыс Қазақстан мемлекеттік университетінің жанынан «Дефектология» мамандығы бойынша қайта даярлаудан өтті. Еңбек жолын 1990 жылы БҚО, Жаңақала ауданы, Бірлік ауылында М.Мирманов атындағы жалпы орта білім беретін мектепте дене тәрбиесі мұғалімі болып бастаған. 2000-2006 ж.ж. аралығында № 8 Жаңақала кәсіптік мектебінде директордың тәрбие жұмысы жөніндегі орынбасары болып қызмет атқарды. 2006 жылдан күні бүгінге дейін Орал қаласындағы «Зерде бұзылыстары бар балаларға арналған облыстық арнайы мектеп интернатының дене шынықтыру пәні мұғалімі болып қызмет атқарады. Мұғалімнің еңбек өтілі 25 жыл, осы мектепте 12 жыл еңбек етіп келеді. Жоғарғы санатты ұстаз.
2018 жылы облыстық оқу-әдістемелік кабинетінің сараптама комиссясының шешімімен «Зерде бұзылыстары бар балаларды қимылды ойындар арқылы қозғалыс белсенділіктерін арттыру» атты әдістемелік көмекші құралы шығып, облыс көлемінде таратылды.
Альмуханов Елтай Қуанышевич мектебімізде бірнеше спорт үйірмесіне жетекшілік етеді және «Спешиал Олимпикс Қазақстан» коғамдық ұйымының жаттықтырушысы болып жасайды. Оның шәкірттері мүмкіндігі шектеулі балалар арасында өткен бірнеше халықаралық, республикалық олимпиадалар мен турнирлерде топ жарып жүлдегерлер қатарынан көрініп жүр. 2011 жылы Грекия мемлекетінің астанасы Афин қаласында оздырылған Дүниежүзілік арнайы Олимпиада ойындарында дзюдо күресінен екі шәкірті Стамгазиев А. күміс медаль, Дарменов З. қола медаль иегері атанды, ал 2015 жылы АҚШ-тың Лос-Анджелес қаласында өткен Дүниежүзілік арнайы Олимпиада ойындарында дзюдо күресінен үш бірдей оқушысы Мурадов Д.-алтын, Абишева И.-күміс медаль, ал Мұқанбеткалиев Н. қола медаль жеңіп алып мектебіміздің мерейін үстем етті.
2014 жылы Қарағанды қаласында өткен республикалық жазғы арнайы Олимпиада ойындарында ол дайындаған мектеп оқушылары 2- алтын, 3- күміс және 1- қола медальға қол жеткізді.
2015 жылы Павлодар қаласында волейболдан, 2016 жылы Атырау қаласында шағын футболдан оздырылған «Спешиал Олимпикс» республикалық турнирлерінде мектеп құрама командасы топ жарды.
2016 жылы Көкшетау қаласында өткен республикалық қысқы арнайы Олимпиада ойындарында төрт бірдей шәкірті қатысып 2- алтын, 2- күміс, 3- қола медаль иеленді.
2017 жылы Алматы қаласында өткен «ВІ-Жұлдызай» бірінші республикалық спартакиадасында шәкірттері 2- күміс, 1- қола медаль ұтып алды.
Биыл қаламызда оздырылған «ВІ-Жұлдызай» республикалық спартакиадасына облыстық іріктеу кезеніңде 9- бірдей шәкірті жеңімпаз болып танылып, енді 17-19 қыркүйек күндері Астана қаласында өтетін екінші «ВІ-Жұлдызай» спартакиадасында облыс атынан сайысқа түседі.
Елтай Куанышевичтің шәкірт тәрбиелеудегі ұзақ жылғы еңбегі еленіп, Қазақстан Республикасы Президенті- Елбасы Н.Ә.Назарбаевтың Алғыс хатымен, 2015 жылы БҚО Білім және ғылым қызметкерлерінің кәсіподақ ұйымының Құрмет грамотасымен және БҚО филиалы «Нұр Отан» партиясының Алғыс хатымен, 2016 жылы республикалық «Спешиал Олимпикс Қазақстан» қоғамдық ұйымының Құрмет грамотасы, 2017 жылы республикалық «ВІ-Жұлдызай» қайырымдылық қорының Алғыс хаты және Қазақстан Республикасы Білім мен ғылым министрлігінің Құрмет грамотасымен, 2018 жылы республикалық «ВІ-Жұлдызай» қайырымдылық қорының Алғыс хатымен марапатталды.