Жұмыс орны: Ы.Алтынсарин атындағы жалпы орта білім беретін мектеп

Қала, аудан, село: ЗКО Тасқала ауданы Тасқала ауылы

Педагогикалық өмірбаяны:

Утешева Роза Айсиевнаның –әрбір сабағы заман жаңаруына орай, жаңа технология түрлерінің әдiс тәсілдері мен жаңашылдандыра өткізіп, өскелең ұрпаққа білім мен өнегелі тәрбие беру жолында аянбай еңбектеніп жүрген, өз пәнін терең меңгерген, әдістемелік шеберлігі шыңдалған, алдына қойған мақсатына қол жеткізе алатын, өз пәніне деген сүйіспеншілігін шәкірттерінің бойына сіңдіре білген жаңашыл ұстаз.Мұғалімнің әдістемелік тақырыбы: «Қазақ тілі мен әдебиет сабақтарында оқушылардың танымдық қабілеттерін дамыту, шығармашылыққа баулу»атты болғандықтан бүгінгі күн талабына сай өткізген әрбір сабағы жаңалыққа толы, терең мазмұнды, қызғылықты, өте тартымды. Ол сабақ үрдісінде оқушылардың шығармашылық ізденісін, ойлау қабілетін асқан шеберлікпен тәрбиелеп отырады. Сонымен қатар мұғалім көп ізденіп, әрбір сабағын жаңаша түрлендіріп, оқытуда модульдық технология, деңгейлеп, дамыта оқыту, сын тұрғысынан ойлау технологиясының әдістерін қолдана отырып, оқушылардың пәнге деген қызығушылығын арттырып, оларды өз бетімен жұмыстануға, ізденімпаздыққа баулиды. Мектепте оқушылар, мұғалімдер, ата-аналар арасында ұлттық тәрбие мәртебесін көтеруде мұғалім аянбай еңбектеніп, шын жанашыры ретінде өз үлесін қосып, әдістемелік бірлестік жоспары негізінде өтетін апталықтары, атаулы кештер, конференциялар, байқаулардың ұйытқысы болып келеді.Көп жылдар қазақ тілі мен әдебиеті пәні бірлестігінің жетекшісі.
Роза Айсиевна аудан мұғалімдерімен тәжірибе алмасу семинарларында өз тәжірибесін ортаға салып, аудан көлемінде өткізген «Қазақ отбасындағы ұлттық музыкалық аспаптар», «Б.Майлин.Айт күндері», «Сұлтан Қалиев.Етістіктің түрлері», «Әлем әдебиетінің алыбы М.Әуезов», «Қ.Мырзалиев-ақын. Етістіктің болымды,болымсыз түрі», «Киіз үй» панорамалық сабақ, «Отан.Сын есім» ашық сабақтары әріптестері тарапынан жоғары бағаланды. Сабақта жеке және топпен, ұжымдық жұмыс түрлерімен, дидактикалық ойындарды тиімді қолдана отырып, өз сабақтарында оқушылардың қызығушылығын шебер арттыруда.Өткізген сабақтарында сыни тұрғысынан оқыту технологиясы арқылы оқушыларының қазақ тілінде сөйлеу, танымдық, біліктілік, рухани және тарихи-мәдени байлығын тіл арқылы танытуда орны ерекше көптеген сабағы «ustaz.kz»,«bilimdiler.kz»,«Sabaq.kz»,республикалық «Просвещение» сайттарында жарияланды. Ұстаздың қазіргі беріп жүрген сыныптарындағы білім сапасы – 67 %.
Роза Айсиевна орыс мектептерінде сабақ беретін ұстаздар арасында өткізілген «Өзге ұлт өкілдеріне қазақ тілін оқытудың тиімді үйрету жолдары »атты облыстық байқауға қатысып ,дәрежелі 2 орын иеленді.Осы жұмысы көмекші құрал ретінде облыс көлемінде таратуға ұсынылды.
Мұғалім өзінің кәсіби шеберлігін аудандық «Үздік панорамалық сабақ -2011» байқауында көрсете біліп, жүлделі 1-ші орынға ие болды. Сондай-ақ, орыс сыныптарында сабақ беретің қазақ тілі мен әдебиеті пәні мұғалімдерінің арасында өткен пән олимпиадасында жүлделі 2-орынды (2013 ж),2016 жылы осы олимпиадада 3 — орынды иеленді Аудандық А.Бақтыгерееваның 70 жылдық мерейтойына арналған «Мәнерлеп оқу» байқауында «Нәзік лиризм» номинациясына ие болды. (2014ж)
Р.Утешева «Отарәлі Бүркіт және тіл білімі мәселелері» атты республикалық ғылыми-тәжірибелік конференциясына қатысушы, Облыстық «Қазақ тілі пәнінен оқушылардың функционалдық сауаттылықтарын дамытудың тиімді әдіс-тәсілдері» атты семинарға қатысушы,облыстық «Қазақ әдебиетін оқытудың тәжірибесі мен болашағы» атты ғылыми – практикалық конференциясына қатысып баяндамасы жинаққа енді, облыстық педагог кадрлар бідіктілігінің арттыру және қайта даярлау институтында «Гендірлік сауаттылық және отбасы қатынасы мәдениеті» тақырыбында өткен семинардың дөңгелек үстел барысында «Отбасы тәрбиесінің үрдісі» баяндамасын оқыды.Халықаралық педагогикалық баяндамалар байқауы «Наследие великих педагогов: от теории к практике» «Ы.Алтынсарин қазақ даласының ұлы педагогі» атты баяндамасымен қатысушы болды. «Оқушыларды қорытынды аттестаттауға дайындаудың тиімді стратегиялары мен әдістері» атты семинарға қатысып 11-сынып оқушыларын емтиханға әзірлеу тиімділігін талдауға қатысты,(2017 ж), аудандық қазақ тілі мен әдебиеті пәні мұғалімдерінің семинарында «Оқушыларды ҰБТ-ді жаңаша дайындау жолдары» баяндамасын оқыды,(2017ж),аудандық «Лингвист» озат тәжірибе алмасу мектебі «Тест жинақтарымен тиімді жұмыс жасау» жұмысымен бөлісті.(2017ж), «Жаңартылған білім беру мазмұны шеңберінде қазақ тілі мен әдебиеті пәнін оқыту ерекшеліктері» атты педагогикалық қызметкерлердің тамыз конференциясына қатысушы.(2017ж), «Ы.Алтынсариннің шығармаларындағы рухани- адамгершілік тәрбие мәселелері және бүгінгі қоғам» («Ыбырай Алтынсариннің идеялары: кеше, бүгін, ертең» тақырыбындағы аудандық конференция, 25.11.2016 ж.),
Шығармашылық шеберлігін шыңдау мақсатында көптеген байқау, сайыстарға қатысып 2013 жылы Тасқала аудандық Білім бөлімінің дипломымен, 2013 жылы аудандық білім бөлімінің Құрмет грамотасымен, 2014 жылы Облыстық «Өзге ұлт өкілдеріне қазақ тілін тиімді әдістемесі» ІІ дәрежелі дипломымен марапатталды.
Ұстаз іскерлікпен шеберлік қабілетін күнделікті сабағына пайдалануды дағдыға айналдырған ұстаздың еңбегі өз жемісін беріп келеді. Дарынды оқушылары түрлі шараларға белсенді қатысып, жақсы көрсеткіштерге қол жеткізді.Аудандық пән олимпиадасында Родионов Алексей 2014 жылы 3-орын, Аудандық шығармалар байқауы «Мәңгілік Қазақ елі» белсене қатысқаны үшін дипломымен Мұратбек Ернар мен Камелешева Наргиза марапатталды 2014жылы. Аудандық «Тіл шамшырақтары» атты байқау 3-орын Камелешова Наргиза, Аудандық қазақ тілі білгірлерінің «Тіл дарын-2014» байқауы «Үздік әңгіме құрастырушы» номинация Родионов Алексей марапатталды.Аудандық «Нет ничего превыше слова мама!» байқауында 1-орын Тлекқабылов Гамзат иеленсе,осы байқаудың 3-орнын Уразалиева Жасмин иеленді.Аудандық «Оқырман-2014» байқауында Тлекқабылов Гамзат «Оқырман -интеллектуал» номинациясын иеленді. Мектепте оқушылар, мұғалімдер, ата-аналар арасында тіл мәртебесін көтеруде мұғалім қазақ тілінің шын жанашыры ретінде өз үлесін қосып, әдістемелік бірлестік жоспары негізінде өтетін тіл апталықтары, әдеби кештер, конференциялар, байқаулардың ұйытқысы болып келеді. Мұғалімнің Тіл мерекесі аясында өткізген «Ертегі әлемінде», «Ахмет Байтұрсынұлы — ХХ ғасырдың ұлы реформаторы» А. Байтұрсынұлының туғанына 145 жыл толуына орай ұйымдастырылған оқырмандар конференциясы, «Тіл — рухани байлығымыз» , т.с.с. сыныптан тыс шаралары өте әсерлі өтіп, тәрбиелік маңызы зор, мәнді шаралар болды.

Роза Айсиевна-өз ісіне тиянақты, жауапкершілігі мол, әріптестері мен шәкірттеріне, ата – аналарға сыйлы да қадірлі ұстаз.